'One Book....One smile!
दिवसेंदिवस महाकाय वाढत चाललेल्यापुणे शहरात सिमेंटच्या जंगलाचा जसा जसा विस्तार होत आहे,विकासाचा आलेख वाढत जात आहे तसा तसा या शहरात काही भाग अजूनही शैक्षणिक व आर्थिकदृष्ट्या दुर्लक्षितच राहिला आहे. महाकाय वाढणाऱ्या इमारती, महाकाय वाढणारी लोकसंख्या यातच पोटाची खळगी भरण्यासाठी परप्रांतातुन आलेले मजूरवर्ग यांचा निवासाचा प्रश्न व इतर मूलभूत समस्या निर्माण होत आहेत.अतिशय दाटीवाटीची पत्र्याची घरे,रस्त्यावरच सांडपाणी व्यवस्था असलेल्या गटारी, अरुंद रस्ता असलेल्या या वस्तीत आज मराठी भाषा वाचता न येणाऱ्या,गणिती आकडेमोड न जमणाऱ्या विद्यार्थ्यांना 'वन बुक..वन स्माईल' उपक्रम(मोफत उजळणी पुस्तके प्रदान) कार्यक्रम आयोजित करण्यात आला होता.
महर्षी कर्वे सोशल इन्स्टिटय़ूटच्या समाजविकास शाखेच्या विद्यार्थ्यांनी वकाही आयटी क्षेत्रातील युवकांनी मिळून 'न्यास'(नित्य:युथ असोसिएशन फॉर अवेकनिंग ऑफ सेल्फ अँड सोसायटी) संस्था स्थापन केली आहे.ही संस्था कर्वेनगर परीसरात संभानगरवस्ती,शाहुनगरवस्ती परिसरता दोन अभ्यासिका चालवते.रोहित येलीगर, तृप्ती पानसरे,ऋतुजा पायगुडे, श्रद्धा कदम व त्यांची टीम या वस्तीत झोपडीवजा भाड्याच्या घरात दोन सत्रात ही अभ्यासिका चालवतात.लहान गट व मोठा गट अशा दोन सत्रात चालणाऱ्या अभ्यासिकेत आज रोजी १०० पेक्षा अधिक विद्यार्थी शिक्षणाचे धडे गिरवत आहेत. आणि कुठलेही मानधन न घेता स्वयंसेवी तत्वावर पॉकेटमनीतुन ही शाळा चालवत आहेत.
काही दिवसांपूर्वी या टीमने युवकमित्र परिवाराकडे कार्याची माहिती सोपवली होती व तत्काळ युवकमित्र परिवाराने आवश्यक मदत करण्याचे आश्वासन दिले होते.त्यानुसार आज या वस्तीत जाऊन १०० विद्यार्थ्यांना विविध उजळणी व बालवाचनाची पुस्तके भेट देण्यात आली.याच वस्तीत शिक्षण घेणाऱ्या कु.ऋतुजा व रोहित यांचा वाढदिवसही टीमने साजरा केला व एक वेगळा आनंद या बालकांना दिला,मिळवला.सोशल डिस्टनसिंग व नियमांचे पालन करत सद्गुरू सेवा फाउंडेशनचे इंजि. सचिन म्हसे,प्रवीण महाजन यांनी कार्यक्रम यशस्वी घडवून आणला.कार्यक्रमासाठी 'न्यास' संस्थेचे अध्यक्ष रोहित येलीगर,तृप्ती पानसरे, ऋतुजा पायगुडे,श्रद्धा कदम यांचे सहकार्य लाभले.जमलेल्या बच्चे कंपनीला चॉकलेट देत कार्यक्रमाचा समारोप करण्यात आला.
